गमक गेडी

तीन फन्को घुमेर आको चण्डी थुमिमा

सारै दु:ख पाए यो बिदेशीको भूमिमा

आँशु तरर,

गाउँ सम्झी रुन्छु धरर ( १)

सधै भरि साहुको गालि मात्रै सुन्दानी

झर्छ आँशु हातले दुई आँखा थुन्दानी

पाले बसेर ,

दु:ख पायौं एक्लै बसेर (२)

खुशी हुन्न चौबिसै घण्टा काम गर्दा नी

कोहि छैन बिचार भने यहाँ मर्दा नी

टोपी शिरमा ,

बस्नु पार्यो सधै पिरमा (३)

अब आफ्नै गाउँको सेवा गर्न जाने हो

साग सिस्नु जे हुन्छ मिलिजुली खाने हो

तिम्रो भरमा ,

फर्की आए आफ्नै घरमा (४)

"बिकाश"(घायल)