तिम्रो साथ पाएँ र त

तिम्रो साथ पाएँ र त संसार आफ्नै ठानेको छु
तिम्रै हात पाएँ र त संसार आफ्नै मानेको छु ||

टाढैबाट आँखा जुध्दा मुस्कुराई बोली हाल्यौ,
मीठो बात पाएँ र त नजरै ले हानेको छु ||

फूलजस्तो जवानीमा लठ्ठिए म के भो के भो
यस्तै मात पाएँ र त आफू तिरै तानेको छु ||

अँधेरीमा तारा हेर्दा तिम्रै रुप देख्छु त्यहाँ
नौलो रात पाएँ र त अन्धकार छानेको छु ||

दु:ख सुख जहिले नी तिमी मेरो भरोषा हौ
माया खात पाएँ र त यो मन लाई धानेको छु ||




"बिकाश"(घायल)