नङ मासु जस्तो साथ

नङ मासु जस्तो साथ छुट्टिदाको दिन रोएँ
भावी बाटै भाग्य सारा लुट्टीदाको दिन रोएँ ||

जिन्दगीको चल्ती रथ अचानक रोकिएर
अनगिन्ती सपनाहरु टुटिँदाको दिन रोएँ ||

थोपा थोपा रगतले जन्माएका हजारौं ति
रहरहरु त्यो हाँडीमा भुटिँदाको दिन रोएँ ||

भोक भोकै ब्रत बसी फूल पाती चढाएको
त्यहि दैवको लाठिबाट कुटिँदाको दिन रोएँ ||

जिन्दगीको भिख मागी त्यो मन्दिर धाउँदा झन
मुर्ति रुपी इश्वर पनि फुटिँदाको दिन रोएँ |

"बिकाश"(घायल)