"ब्रजपातको पर्खाल ढालेर"

ब्रजपातको पर्खाल ढालेर हिड्न खोज्दै छु
फाटेको यो जिन्दगी टालेर हिड्न खोज्दै छु ll

हजारौ ति आशाका कोपिला गर्भ मै ओइलिदा
नयाँ आशा दिलमा पालेर हिड्न खोज्दै छु ll

जिन्दगीको हरेक चाहना शिशा झैँ फुटेर
चोट पिडा मनमा गालेर हिड्न खोज्दै छु ll

सारा सपना भुसको आगो झैँ दन्किदा
जलेका ती सपना फालेर हिड्न खोज्दै छु ll

जीवन मेरो भएछी औशीको अँधेरी सरह
रोशनी खोज्न दियालो बालेर हिड्न खोज्दै छु ll


"बिकाश "(घायल)