मेरो माया चटक्कै मारेर

मेरो माया चटक्कै मारेर गयौं रातो डोलीमा l
चरीले झैँ बसाइ नै सारेर गयौं रातो डोलीमा ll

हात समाई मायाको सागर संगै तर्ने भन्दै l
मलाई वारी घाटमै झारेर गयौं रातो डोलीमा ll

सातै जुनी चखेबा जोडी झैँ बिताउने हो भनी l
आज एक्ले बर झैँ पारेर गयौं रातो डोलीमा ll

तिमी मेरो दिलको राजा हो भनि कसम खाएर l
भेट्न जाने बाटो नै बारेर गयौं रातो डोलीमा ll

जिन्दगीमा खुसीको सुनामी ल्याउने छु भनेर l
घाइते पारि मुटु नै फारेर गयौं रातो डोलीमा ll


"बिकाश"(घायल)